Neys vom Daag

S Grilliere moorn uf dr Plumpiwiise fallt us wättertechnische Grind laider us. Me gseet sich näggscht Wuche-n-an dr Velo-Stadtfierig oder denn wiider in de-n-Iebigsstund (ab em 17.8.).

Am näggschte Mittwuch (25.5.) isch wääge-n-em FCB-Match kai Drummle, Hopp FCB! Und d Wuche druff (1.6.) falle d Iebigsstund au us, will s Schuelhuus vor dr Uffert zue blybt.

Drfir isch am näggschte Fryttig am achti zoobe d Generalversammlig im Käller (Diireffnig am siibeni), d Yylaadig und s Protokoll vom letscht Joor findsch im Mitgliiderberyych.

Nadyyrlig nit, numme-n-e baar glaini Details hänn gänderet: D Lämpesitzig findet am 4. Mai noo de Pfyffer- und d Dambuure-Sitzige statt, so ca. am viertal ab nyyni. Und d Iebigsstunde feen au eerscht am 18. Mai aa, will am 11. s Schuelhuus wäg dr Schuelsynoode zue blybt. Aaah jä, d Generalversammlig isch denn am 27. Mai 2011.

Noo de-n-Ooschtere foot scho wiider die ney Saison aa. Am Mittwuch, 4. Mai, sinn jee d Pfyffer- und d Dambuure-Sitzige im Dybli-Käller (Dambuure in dr Lounge hinde), und am Mitwuch druff sinn die eerschte-n-Iebigsstunde.

Und denn kaa me sich au wiider fir dr Källerdienscht yydraage, die ney Lyschte isch uffgschalte-n-und lyyt au an de baide Sitzige-n-uff.

Jä, d Ziircher sinn wiider emool die Letschte mit Bummle, aber mer leen au die Gläägehait nit us: Mr dräffe-n-uns am Fryttig, 8. April, am zää ab fimfi in dr Schalterhalle vom Baanhof, zem s de Ziircher gheerig go zaige, wie me richtig drummlet und pfyfft. Jeede bsoorgt sälber e Billjee fir uff Ziiri und zrugg.

Ändlig goot s loos. S gseet wiider emool so us, ass dr Petrus s guet maint mit de Bebbi. Wie gwoont, kaa me d Basler Dybli an dr Fasnacht jeewyls diräggt mitverfolge, findsch d Rädäbängyydrääg, d Zeedel und Fottene im Archyyv.

Was mir Dybli nadyyrlig scho immer gwisst hänn: Dr bescht Waggis git s nit numme-n-in unserem Dybli-Käller z dringge, nai, mir kenne-n-en au ganz rächt drummle-n-und pfyffe. Jetz isch s gar offiziell, lut em Drummelibricht in dr hittige BaZ:

Dangge -minu, bisch e Schatz.

D Last-Minute-Fasnacht vo dr Junge Garde het au in de Meedie iir Echo gfunde, doo e baar Links:

   –  Kuurzbricht uff fasnacht.ch

   –  Interview uf Radio Basilisk

   –  Interview uf Radio Basel

Ab sofort sinn die detaillierte Drummeliprogramm und Fasnachtsprogramm vom Stamm online.

Und noo-n-e Hiiwyys: Au disjoor goot am Sammschtig, 26. Meerz, unser Fasnachts-Drämmli wiider uff d Route.

D Marina Suter het s gschafft: Si isch bravourees Pfyfferkeenigin 2011 bi de Junge woorde. Und wo si denn no im Final vo de-n-Alte mitgmacht het, isch si au deert uff dr sensationell fimft Blatz groote. Ganz häärzligi Gratulatioon.

Ab sofort kaa me dr Yysatzblaan fir s Offizielle aabelaade.

Vom 27.-29. Jänner isch Laarvenaabasse im Atelier und am 19./23. Hoornig isch Baschtle im Käller aagsait. Details git s uff dr Fasnachts-Sytte.

D Dybli sinn bekanntlig Mitorganisadoore vom Offizielle, wo vom 3. bis zem 5. Hoornig goot. Am Donnschtig und Fryttig simmer fir dr Meerian-Saal zueständig und fir d Finääl am Fryttig Oobe und am Samschtig hälfe mer im Vollgshuus mit. Jeede kaa sich drum ab sofort zem Yysatz mälde.

Am Samschtig kunnt d Blaggedde-n-in Verkauf. D Uusgoob isch ab de zääni bis ca. am zwai zmidaag im Dybli-Käller. S sinn alli Dybli (Jungi, Stamm, Schwelger, Alti) und iiri Frinde-n-und Verwandte willkomme.

Die Junge geen au grad in d Stadt in Stroosseverkauf und mache Wäärbig fir d Last-Minute-Fasnacht.

Zem sich zwischeduure z steergge, koche d Jenny und d Nicole uns e feyn Blaggedde-Süppli mit Wienerli. S het, solang s het."

Am Mittwuch, fimfte Jänner, isch im Leonhardschuelhuus d Goschdymstoff-Uusgoob vom Stamm. Wär s verbasst, kaa s dernoo im Dybli-Käller abhoole (z.B. au am Samschtig an dr Blaggeddenuusgoob).

Am glyyche Mittwuch wird unser unermiedlig Inschdruggdr Nicola verdrätte vom Matthieu Meyer, e Top-Milidäär-Dambuur und Mitgliid vom Repräsentationsspiil vo dr Armee. Mr sinn gspanne, was är uns zem Waggis no alles zaige kaa ...