|
| Wenn |
|
Was |
| 16.07.2010 |
Summer-Quiz: Ney git s e Sumer-Quiz. E spannendi Schnitzeljaggd duur s Archyyv, woo me-n-e Huffe iiber d Aafangszyt vo de Basler Dyybli erfaart. Brobier s uus! |
| 26.03.2008 |
Numme fir Mitgliider: Ab sofort git s pro Album jee au e
Mitgliider-Beryych. Deert kemme-n-allefalls die Fottene-n-und Filmli yyne,
wo jo nit grad die ganz Wält muess kenne gsee. Dä Beryych (wenn eppis
dinne-n-isch) findet me jeewyls unde-n-im Album-Iiberbligg
(do isch e Byspiil), zem yynekoo bruucht s e Passwort, wo
me bim Webmaster bstelle kaa – nadyyrlig wird s numme-n-an d Mitgliider (au Jungi, Schwelger, Alti und d Passyvmitgliider) uusegää. |
| 26.03.2008 |
Greesseri Fottene und Bstellmeegligkait: Uff vyylsyttige Wunsch sinn unseri Fottene im Album e bitz vergreesseret woorde, die maischte hänn underdesse jo ainewääg e gnueg schnälli Internetverbindig. Ney git s bi jeedem Fotti au e Email-Lingg, wo me bim Webmaster s Original-Fotti drmit bstelle kaa (z.B. zem s dehaim usszdrugge). Mer luege-n-emool, wie das aalauft, s git kai Garantyy fir prompti und vollständigi Liiferig. Wiesoo git s nit grad alli Original diräggt zem Aabelaade? Die sinn zem Dail aifach z grooss (mängmool mee als 2 MB, in Zuekunft villicht no mee) und hänn aifach nit alli Blatz bim Provider. |
Fir jeedes Joor syt dr Grindig 1964 hämmer jee e Kapitel
| |
Fasnacht |
|
mit de Rädäbängyydrääg vo alle in däm Joor aggdyyve Grubbierige |
| Zeedel |
mit de Zeedel vo de-n-aggdyyve Grubbierige |
| Album |
mit eme Huffe Fottene (und dailwyys au Film und Deen), goordnet noo Aaloss, vyylfach au mit eme glaine Täggscht drzue |
| in Blaanig |
Drummeli, Prässeschpiegel und intäärni Glyggenaaloss |
Intäärni Doggumänt wie Statute, Protokoll vo dr GV und vo andere Orgaan etc. sinn separaat im Mitgliiderberyych erfasst.
Us de frienere Joor hämmer nadyyrlig nooni alles elegdroonisch erfasst. S Archyyv-Team isch aber flyssig draa, im Staatsarchyyv alles z sichte und yyzscanne. Noodisnoo wäärde mer also hoffentlig emool komplett (uff dr Status-Sytte git s e-n-Iiberbligg, was mer scho hänn). Hesch Du au no eppis, z.B. Fottene, wo Du uns in s Archyyv kasch gää? Mäld Di aifach bim Archyyv-Team.
Uff dr lingge Sytte hesch immer d Iibersicht, wo De grad bisch: Weeles Joor und was in däm Joor alles erfasst isch. De kaasch diräggt in e bstimmt Joor gumbbe-n-oder die ainzelne-n-Yydrääg vom Joor aaluege.
Und denn kaasch au no pro Yydraag vo Joor ze Joor vor- und ruggwärts blettere, und esoo z.B. alli Rädäbäng-Yydrääg vom Stamm oder alli Zeedel vo dr Junge Garde in chronoloogischer Raiiefolg aaluege. Am beschte mache mer e Byschpiil:
 |
|
D Kapitel Fasnacht und Zeedel sinn underdailt in die ainzelne im entschprächende Joor aggdyyve Grubbierige. Es bedytte
ST = Stamm
JG = Jungi Garde
DN = Dyblinäscht
SW = Schwelger
AG = Alti Garde
S Kapitel Album bestoot us ere Jooresiibersicht. Vo deert kunnt me denn uff die ainzelne-n-Aaloss mit ere Iibersicht vo alle-n-Yydrääg (Fottene, Filmli etc.) und wytter kaa me denn jeedes Fotti au in Grooss aaluege.
|
|
