Neys vom Daag

Joo, s isch laider lang nyt me aggdualisiert woorde. Drotzdäm isch bi de Dyybli vyyl gloffe, vor allem nadyyrlig dr Staart in s Juubel-Joor mit diväärsen Aggdividääte. Dr Kaländer isch jeewyls uff em neyschte Stand und s Archyyv wird au gläägedlig noogfillt.

Jetz wintsche mer aber alle scheeny Feschtdääg und e gute Rutsch ins neye Joor!

+++ dr Vorstand, dr Obmaa Jungi Gaarden und d Källerwirtin sinn alli wiider gwäält +++ d Karoline und dr Daniel sinn definidyyv in Stamm uffgnoo +++ dr Patrick isch ney zem Stamm gstoosse +++ d Kassene sinn alli im Plus +++ s git e ney Götti-/Gotti-Konzäpt +++ s het kaini wytteren Aadrääg gää +++

Und nadyyrlig isch dr Staartschuss gfalle fir unser Juubel-Joor 2013/14!

Am Fryttig, 31. Mai, isch Generalversammlig vom Stamm (Yylaadig). Wär en Aadrag an d GV stelle mecht, muess dä bis am 24. Mai im Obmaa schigge (am beschte zeerscht d Aalaitig aaluege). Au Kandidatuuren und Mutatioone wäärde voorzugswyys scho vorgängig im Obmaa gmäldet. Alli Teams und Gruppierige wäärde bätte, e Jooresbricht voorzberaiten und am beschte scho vorhär schriftlig yyzraiche.

Diireffnig isch scho am säggsi, dr Käller offeriert denn e glains Nachtässe, zem Dangg fir die flyssige Källerdienschtyysätz. D GV sälber foot wie immer am achti aa.

Mr hänn e neye Dambuurenischdruggdr: Dr Jonas Schöni vo dr onYva-Glygge. Und will mer jetz mit noo besserem Iebigsstundesbsuche rächne, miemmer unseri Dambuure-Lounge e bitz uusbaue. Mr dräffen uns moorn, 7.5., ab de siibeni im Käller.

Jetz noo den Ooschterfeerie foot unser musikaalisch Joor wiider aa. Am Mittwuch, 10. April, sin d Spiilsitzigen im Käller (d Pfyffer- und Dambuure-Chefs hänn d Traktande per Email verschiggt) und d Wuche druff, am 17.4., goots loos mit den Iebigsstund.

Die ney Källerdienscht-Periode het aagfange. D Lyschte gits jetz wiider online im Mitgliider-Beryych. Also bitte glyy yyschryybe.

Nadyyrlig isch unser bekannt Fasnachts-Drämmli au disjoor wiider underwäggs, und zwor am 2. Meerz 2013. Mer faare wie gwoont vom ains bis am fimfi duur d Innestadt mit Halt am Barfi, am Märtblatz und an dr Schifflände.

E jeedi und e jeede, Jung und Alt, sinn yyglaade, uns ko kennezleeren und e Piccolo oder Drummelschleegel uuszbrobiere.

Hit zoobe foot unser Fasnachtsprogramm aa mit dr Fasnacht-GV/Yydringgedde. Moorn isch s Ladäärnenyypfyffen am fimfi bim Leonhardschuelhuus und denn goots am Määntig am vieri loos. Mer beglaite d Dybli wie allewyyl mit eren aggduelle Brichterstattig, wo me d Rädäbäng-Yydrääg, d Zeedel und nadyyrlig e Huffe Fottene ka aaluege.

Die neyscht Uusgoob vo dr Dybli Zytig isch verschiggt (us Versee het dr Drugge si uff A4 produziert). S het en Yylaadig fir e Jubiläums-Uusfluug in Europa-Pargg und alli vier Zeedel vo de Junge, em Stamm, de Schwelger und den Alte drbyy. Drfir het laider die wichtigscht Syte gfäält, die mit dr Gratulation an unseri jungen "Offizielle Pfyffer", nämlig dr Marina (Ainzel, 1. Blatz), dr Jlena (Ainze, 6. Blatz) und dr Grubbe mit dr Flavia, em Jan, dr Jlena, dr Marina, dr Sabrine und dr Selina (9. Blatz). Dr Redaggder mecht sich entschuldige und liiferet die 1/₂" target="_blank">Syte doo nooche.

S Drummeli isch gstaartet und mer mien uns weeder musikaalisch no optisch verstegge (lueg au d Fottene aa). Au wenn gwissi Zytige (d.h. aigedlig alli) nit gmeerggt hänn, ass mir nit numme pfyffe, sondern eeben au Drummle. Villicht diemmers mit em Pianissimo doch e weeneli iiberdryybe...

Hit het d Teamversammlig die letschte Fasnachtsvoorberaitge greeglet. Doo e baar wichtigi Hiiwyys:

-  S git nummen ai Marschiebig bim Stamm, nämmlig am Sunntig, 27. Jänner, 14:00h, in dr Langen Eerle, zämme mit de Junge, Schwelger und Alte.

-  Dr Lars wird Zugchef und dr Niggi Dambuurmajor.

-  Am Samschtig vor dr Fasnacht mache mer en usseroordeligi GV wäägem Juubeljoor. S kunnt denn e separaati Yylaadig drfir.

-  Mr sueche no Käller-Hälfer fir d Fasnacht. Fascht jeedi Schicht het noone Blätzli frey. D Pia wird no detailliert informiere.

-  Und nadyyrlig nit vergässe: Blaggedde verkauffe (bschtelle bim Tom).

-  Dr Kaländer isch uff em neyschte Stand, inklusyyv em Detailprogramm fir s Drummeli.

Am Offizielle 2013 hänn unseri Junge Pfyffer brilliert: D Marina Suter het nit numme wiider s Podäscht bestiige, sondern isch au grad zooberscht glandet als Pfyfferkeenigin 2013. Ganz in dr familiääre Draditioon isch s au dr Jlena Suter super gloffe, si isch s eerscht Mool in Finaal yyzooge und het grad dr hervoorraagig säggst Platz beleggt. Und nit vergässe deerfe mer au d Pfyffer-Grubbe, wo s zwor gnabb nit ganz in Finaal het gschafft, aber e Huffe Muet uffbrocht het.

Häärzligi Gratulatioon alle "offizielle" Dybli!

Au disjoor sin unsri Jungen am Offizielle Bryysdrummlen und -pfyffe drbyy. D Marina und d Jlena staarten im Ainzel (d Voorusschaidig isch am Donnschtig im Meeriansaal, si pfyffe am 18:04 und am 19:02) und unsri Säggser-Pfyffergrubbe mischt am Fryttig, 18:30h, mit (eebefalls Wettstaisaal). Mr druggen Eych all dr Duume!