Home

Neys vom Daag

Mitdailige us em Joor 2012

aggdualisiert
31.12.2012
Jubeljoor 2014 14.08.2012  

Im Joor 2014 wäärde d Dybli 50 Joor alt. Das muess nadyyrlig gfyyrt wäärde. Am Mittwuch, 5.9. (zämme mit dr a.o. GV), veraastaltet s Jubel-Team drumm e Brainstorming, wo jeede syyni Idee kaa yybringe, mit was fir Fyyrligkaite mer wänn uffdrumpfe.

a.o. Generalversammlig 08.08.2012  

Dr Vorstand het fir dr Mittwuch, 5.9., e-n-usseroordentligi GV yyberueffe. S goot ainzig doorum, d Finanzierig fir neyi Drummel-Beggli z reegle. Details steen in dr Yylaadig.

Mer feen am viertel ab nyyni aa, d Iebigsstunde wäärde-n-entsprächend verkiirzt.

Dybli am Zentraalschwyzer Dambuure-n-und Pfyffer-Fescht 03.07.2012  

Am letscht Wuchenänd sinn mit dr UFS au e baar Dybli uff Lieschtel an s Dambuure-n-und Pfyffer-Fescht und hänn sich wagger gschlaage: Bi de Gmischte het d UFS glatt gwunne! Und bi de Pfyffer sinn si uff em dritte-n-und bi de Dambuure-n-uff em säggste Rang glandet. Gratulatioon!

Summerfeerie und -programm 28.06.2012  

Die näggschte säggs Wuche sinn Summerfeerie und drum hämmer kaini Iebigsstunde. S Event-Team het drfir e Summerprogramm uff d Bai gstellt:

   Sa, 21.7., 13:00Mer mache-n-e Velotour an alte Rhyy (Richtig Kembs) und dien deert grilliere. Dräffpunggt isch vor em Dybli-Käller. Pass/ID und Grillsache mitbringe (abgsait wääge schlächt Wätter)
Mi, 25.7., 19:00Mr geen in Rhyy go schwimme und nämme-n-aaschliessend e-n-Apéro in ere Buvette. Dräffpunggt isch vor em Dybli-Käller. Schwimmsagg/-fisch mitbringe
So, 16.9.Mr geen an Slow up. Details wäärde denn no bekannt gää.
Jee no Wätter mache mer an de-n-andere Feerie-Mittwuch allefalls wytteri Spontaan-Rhyyschwimme (Uffruef kunnt denn per Email).

Sujet fir d Fasnacht '13 18.06.2012  

S Sujet-Team sucht Vorschleeg fir s Stamm-Sujet '13. Jeedes Aggdyvmitgliid kaa bis zem 8. Auguscht Idee-n-an d Nadja schigge.

Kai Glygge-Grimpeli 15.06.2012  

Ojee, offebaar isch unsri Aamäldig fir s Glygge-Grimpeli verloore gange. Doorum sinn dismool kaini Dybli am Start. Drfir näggscht Joor wiider ...

Bricht vo dr Generalversammlig 06.06.2012  

S isch die kiirzischti GV gsii syt Gedängge, mr hänn numme gnabb mee als wie-n-e Stund ghaa. Aadrääg sinn kaini z verhandle gsii, aber mer hänn d Waale mit meerere neye Kandidaate gha. In Vorstand sinn gwäält: dr Jürg Suter als neye Obmaa, dr Thomas Gantner als neye Vize a.i., d Giulia Müller als neyi Seggredäärin und d Claudia Schneider als altbewäärte Kassier.

Glyychzyttig sinn d Team-Lyschte-n-und d Källerdienscht-Lyschte-n-uffglääge, wär nooni yydrait isch, soll das in de näggschte-n-Iebigsstund bitte noohoole.

Glyy isch GV 29.05.2012  

Die 30. ord. Generalversammlig isch am Fryttig, 1. Juni 2012, am achti zoobe. Me kaa scho ab de siibeni yydruudle zem sich gaischtig und flissig vorzberaite ...

Kaini Iebigsstunde vor Uffert 14.05.2012  

Am Mittwuch, 16. Mai, falle d Iebigsstunde-n-uus. Au wemmer jetz ney im Käller iebe, hänn die maischte dä Mittwuch Oobe scho syt lenger anderwyttig verblaant.

Fasnachts-Drämmli 09.03.2012  

Am Samschtig, 10. Meerz, isch s Basler Dybli Fasnachts-Drämmli wiideunderwäggs. Kumm au ko luege.

D Basler Dybli an dr Fasnacht 26.02.2012  

Wie jeedes Joor brichte mer aggduell vo dr Fasnacht, s het d Rädäbäng-Yydrääg, d Zeedel und e Huffe Fottene. Lueg doo...

Homepage-News 12.01.2012  

So langsam wäärde mir ändlig wiider aggduell. Dr Kaländer, d Mitgliiderlyschte und d Källerdienscht-Lyschte sinn jetz uff em neyschte Stand. Dr Räscht kunnt glyy ...