Neys vom Daag

Moorn isch GV (Diireffnig isch am siibeni, aafoo duet s offiziell am achti). D Yylaadig und Byylaage wie au d Protokoll vo de letschte GVs findsch im Mitgliiderberyych.

Hit isch Pfyffer-Sitzig im Käller. D Dambuure händ kuurzfrischtig uf die näggscht Wuche miesse verschiebe.

Wenn denn au dr Bummel ummen isch, kemme no die obligaate Sitzige, zem s Glyggejoor 2017/18 abzschliesse:

  - D Lämpesitzig isch am Mittwuch, 14. Meerze, am achti zoobe (Källereffnig am halber achti)

  - D Generalversammlig isch am Frytig, 25. Mai, am achti zoobe (Källereffnig am siibeni)

Am 3. Sunntig goot au dr Stamm uf e Bummel. Dräffpunggt isch am halber elfi bim Hammering Man. Schynts wird s e rächt en aggdyyve Bummel, me soll sich beweeglig aalegge.

Zrugg simmer denn um die siibeni, wenn mer mit dr neye Standarte d Frey Strooss durabb kemme. Und villicht dräffe mer deert denn au dr Duubeschlaag, wo au am bummlen isch.

Es gseet noo Wättergligg us. Mer wintsche dr Junge Garden e vergnieglige Bummel und kemmen alli ko luege, wenn si ca. am siibeni die Frey Strss druabb lauffe.

Dr Schyydaag uf em Haslibärg findet am 18. Meerze statt. Aamäldeschluss isch am 10., bitte machte das mit em Doodle, wo per Email verschiggt woorden isch. Wär en nimm het, kaa sich diräggt bi dr Claudia Sch. mälde.

No drey kalte, aber dodaal droggene Dääg isch d Fasnacht 2018 scho wiider verbyy. Es isch wunderscheen gsii.

Jetzt goot s an s Butzen und Uffruumme, me kaa noon e weeneli in de Fottene schwelge und sich uf e Bummel fraie, die Junge geen am 4., Stamm und Duubeschlaag am 11. Meerze. Und am glyyche Daag im ene Joor isch denn wiider Moorgestraich!

Es isch wunderscheen gsii. Nit zvyyl Stau und nit allze kalt, aber vyyl Blitzlichter und gaischtig under-, derfir schaufänschtermässig iiberbeliechteti Gschäft. Halt schaad...

Uf jeede Fall hämmer im Archiv jetz alli drey Dybli-Zeedel und laufend neyi Fottene.

Hit mit em Yypfyffen isch es ändlig richtog loos gange. Mer wintschen allne e wunderscheeni Fasnacht 2018!

Es isch e glungenen Oobe gsii, mit vyyl Informatione zer Ladäärne, drfir umso weeniger zem Damburmajor. Und drnoo isch gheerig yydrungge woorde...

D Bummel-Aamäldig nit vergässe. Dr Doodle-Lingg isch per Email verschiggt woorde.

Die ney Götti-/Gotte-Lyschte isch verschiggt, lueget, wär fir wär ney zueschtändig isch.

Mer feen aa mit dr Fasnachtsbrichterstattig. Im Archyyv git s efangs d Rädäbäng-Yydääg vo de Junge, vom Stamm und vom Duubeschlag, glyy kemme denn au die eerschte Fottene und d Zeedel.

Nit ganz esoo stimmig sind d Wätterussichte, aber die händ in de letschte Dääg jo jeede Daag wiider eppis anders gsait, drum nämme mer s, wie s kunnt.

Am Määntig und am Mittwuch isch dr Käller ab de siibeni offe fir alli, wo no eppis am Goschdym wänd baschtle, s Kopfladäärnli wänd richte ooder sunscht no eppis wänd hälfe.

Am Mittwuch isch denn ab den achti auch no die letscht freywillig Iebigsstund mit meh gmietlig als ieblig...

Fir scheeni Ladäärneväärsli muess me au scheen brinzle. S Event-Team laadet yy uf e Frytig, 9. Hoornig, ab de siibeni im Käller. Wär nit ka koo, schiggt syyni Väärsli an Obmaa.

Mer sind fascht fertig. Es git no ai Termyyn am Donnschtig, 25. Jänner, ab de siibeni. Wär bis denne nooni fertig isch, het die letschte Gläägehaite am Mittwuch und Samschtig vor dr Fasnacht.

Am Samschtig, 10. Hoornig, git s e weeneli en anderi Maarschiebig: Mer machen alli - Jungi Garde, Stamm und Duubeschlag – mit an d Fasnacht in Kaiseraugscht. Dräffpunggt isch am 13:00h in dr Schalterhalle vom Baanhoof SBB.

Doo sind alli Detailaagoobe.

Zem 10. Mool git s die beliebti Last-Minute-Fasnacht vo dr Junge Garde. Fir e gringen Unkoschtebyydraag biete mer alle Maitli und Buebe d Meegligkait, vom Moorgestraich bis zem Bummel bi unsere Junge Fasnachtsluft go schnubbere.

Aamäldeschluss isch am 11. Hoornig!

Ganz häärzlig Gratulatioon an d Marina Suter, wo dr Pfyffer-Finaal uf em vierte Blatz – numme ganz gnabb vor em Podäscht – abgschlosse het. Näggscht Joo wiider!

Au im SoloDuo ziend d Marina und dr Basil im SoloDuo in Finaal! Sensationell!

Jetz simmer gspannen uf hit zoobe, am halber siibeni goot s loos im Groosse Saal vom Volggshuus.

Geschtert zoobe het d Marina souverän s Tigget fir dr Finaal vo de Ainzelpfyffer gleest. Und Dyblipfyffer-Grubbe wär um ai Hoor au no fasch in Finaal, si händ dr undanggbaar, aber sensationäll viert Blatz erraicht. Häärzligi Gratulatioon an alli!

Hit staartet rund um s Volggshuus s Offizielle Bryysdrummlen und -pfyffe. Au disjoor sind diväärsi Dybli derbyy und fraie sich uf e reegi Understitzig us em Saal.