|
Alli Maitli und Buebe-n-ab siibe Joor kenne bi uns leere Drummle-n-und Pfyffe. Bisch scho achtzää, drnoo mäld Di grad bim Stamm.
D Iebigsstunde finde-n-im Leonhardschuelhuus (oobe-n-am Barfi/Koolebärg) statt, und zwor jeewyls am Mittwuch vom säggsi bis am siibeni bzw. vom siibeni bis am achti zoobe.
| Was macht me s Joor duure? |
|
Nääbe de-n-Iebigsstund git s nadyyrlig glatti Aaloss s ganz Joor duure. Zem Byspiil:
| |
- s Fasnachtsdrämmli |
| - e Summerfeschtli |
| - e Iebigs-Weekend |
| - dr Heerbschtbummel |
| - e Kinobsuech |
| - dr Mässbummel |
| - Baschdel-Nomidaag |
| - s intäärne Bryssdrummle-n-und Pfyffe |
| Was koschte d Leggtioone? |
|
Dr Mitgliiderbyydraag koschtet Fr. 90.–. Drfir git s e ganzes Joor kompetänti Uusbildig vo unsere-n-erfaarene und motivierte-n-Inschdruggdoore. Me leert drbyy:
| |
- e suuberi technischi Grundlaag |
| - d Nootekund |
| - Rhytmigg, Dynaamigg und Interpretation |
| - in dr Gruppe-n-e Zyl erarbaite |
| - s Beheerrsche vom Inschtrumänt |
| - Tradition und Gschicht vo dr Fasnacht |
Dr Fasnachtsbyydraag koschtet Fr. 160.–. Drinn enthalte sinn:
| |
- dr Goschdyym-Stoff (zuegschnitte) und d Laarve |
| - s Moorge-n-und Nachtässe-n-am Määntig |
| - s Zvieri und s Nachtässe-n-am Mittwuch |
| - dr Bummel inkl. Nachtässe |
E jeede muess sy Goschdyym sälber zämmenaaie. S git mängmool au eppis z Baschtle fir s Goschdyym (das mache mer als gmainsam). Es isch au jeede sälber zueständig fir s Goschdyym am Moorgestraich und evtl. am Zyschtig.
Bi uns kaa me-n-au e Schnupper-Fasnacht mache.
| Kai Drummle oder Piccolo? |
|
Drummle-n-und Piccolo kaa me bi uns fir dr Aafang ginschtig miete.
Gluschtet s Di? Drnoo kumm uns doch im näggschte Fasnachts-Drämmli ko bsueche-n-oder mäld Di diräggt bi dr Obfrau vo dr Junge Garde, dr Corinne Borer.
De kaasch au unsere Flyer aabelaade-n-und gnau studiere.
|
