|
Am 6. Meerz 2010 goot s Fasnachts-Drämmli zem säggste Mool uff Tour. Maitli, Buebe und au Erwaggseni styyge-n-yy, zem uns kenne leere-n-und emool e Piccolo oder Drummelschleegel in d Händ nää.
Mer faare vom ains bis am fimfi zmidaag d Route Barfi – Märtblatz – Schiffländi und keere denn ooni Halt via Mäss – Wettstaiblatz – Banggverain zrugg an Barfi.
Ai Rundi goot ca. 15 Minute. Us verkeerstechnische Grind kenne mer dissjoor laider kai gnauere Faarblaan aabiete, am beschte me waartet aifach an ainere vo de drey Haltstelle, bis s näggschte Fasnachst-Drämmli verbyy kunnt. An Jeeder Haltstelle het s au goschdymierti Dybli, wo aim kenne-n-Uuskunft gää.
|