letschti Änderig: 2014-05-30 22:56:23 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Stamm – Fasnacht 2013

Eeländ, Schyssdrägg & kabutt

Es riisele daagyy, daaguus,
vo alle Syte myysi Niuus
uff mi yyne, s isch e Gruus,
und mache mi dodaal konfuus.

Via Feyssbugg, Niuus-Fyyd, Twitter
stiirmt jeede Daag e Mäldigs-Gwitter
in my Hiirni, jeedi mit dr
näggschte Katastroophe – bitter!

Im dääglig Kampf um neyi Lääser
wird jeedi Zytig als wie jääser,
und s schaffe fir die Blettli-Kääser
statt Schurnalischte: Niuus-Verwääser.

Juutuub, Fäärnsee sinn im Voordail,
schiggen mir, die findes ganz gail,
diräggt in d Stuuben alli Detail,
fir my Hail isch dass e Noodail.

So wiird y ständig konfrontiert,
was uff dr Wält so alls bassiert:

Ai Fiirma noo dr andere
schiggt iiri Lyt go wandere.
Und d Mänätscher saggen aimool mee
Booni yy wie ee und jee.
Dr Euro gwagglet, duet d Grieche bysse,
droot d Wältwiirtschaft in Abgrund z rysse.
S Ussland isch drum ganz versässe
vo unsre Bangge Gäld z erprässe.

E mänggen underwäggs bi Nacht
isch mit eme Schäädeltrauma verwacht,
het Gligg ghaa, wenn numme s Handy fäält
und nit e Mässerstich iin gwäält.
Ze Ussländer, das isch politisch,
saag y nyt, es wäär dängg z kritisch.
Gnueg Zyt het me vo Noochbers Syte
zem um e Meeter Wiise z strytte,
Glaigaischtertum heerscht in dr Stadt,
so wiird si eeder und ganz matt.

Bim Bundesghaimdiescht stiilt me Daate,
bim Milidäär nur Handgranaate,
Wär het sy Stuurmgweer no im Zimmer?
Au doo het kain e blasse Schimmer,
so ballere Psychos all baar Daag
uff e Noochber iiber e Haag.
Gseet in dr Schwyz so aine root
sinn zem Gligg nit soo vyyl doot
wie zem Byyschpiil in Noorwääge,
doo sinn gar d Amis nyt drgääge.

Im Vallis hets e Bus verdätsch
und zwaiezwanzig Kinder quätscht.
Vierzää Mentsche hänn nimm kalt
wenns brennt im Haim im Schwaarze Wald.
Bi Iiberschwemmig dien e Huffe
z Bangladesch all Joor versuffe.
Scho wiider isch e Fluugy gstiirzt
und het e mängem s Lääbe kiirzt.
Und alibot duet e Schiff versingge,
wo alli jämmerlig verdringge.

Diggdadoore, Islamischte,
Rebällefierer, Terrorischte,
jeede wietet, wien är wott
fir Eel und Gäld und Macht und Gott.
Au d Weschtler hänn do Grieger-Luscht
und erlyyde vyyl Verluscht,
drotzdäm blyybe si drbyy
wääg iirer Waffen-Induschtryy.

Down Under macht s Wätter Kaprioole,
im US-Oschte duet d Sandy joole,
z Russland dien alti Mentsche verfirere
d (Ant-)Arktis duet iir Yys verliere.
Doch schliesst me nur e myyse Handel
wo nyt hilft geege Klyymawandel.
Drfir, y kennt mer d Hoor jetz rauffe,
kaan ych kai Gliebiire me kauffe.

E Hiobs-Bootschaft, jeede Daag,
jä bi soonere Noorichte-Laag
steggt mi Hiirni im Gulaag,
s isch glaar, ass ych das gaar nit maag.

Y groot in mediaale Myyf,
s wiird mer eeländ, ganz massyyv,
e soone Schyssdrägg, primidyyv,
y gang kabutt, wird depressyyv.

Y will mer d Kuugele gää, s muess syy!
Doch wuurd denn numme, meergg y glyy,
in dääre Niuus-Maschiineryy
ych die näggscht Schlaagzyyle syy.
Uf aismool doch e posidyyve Bricht:
Am Zyschtig steen scheen dicht an dicht
uff em Minschterblatz d Ladäärne
und d Reggwisyt bi dr Kasäärne
 An Aafang

(C) 2002-2014 Basler Dybli Glygge