Ummeblettere |
Gumbb zeerscht in e Joor! |
|
Dr Schnee het regiert. Zem Gligg isch dr Urs am drey zmidaag go dr Pauseblatz vom Leonhardschuelhuus go inschpiziere. Druff aabe het e Runddeliphoon-Aggtion alli diräggt zem Dybli-Käller dirigiert.
Die eerschte, wo deert sinn aakoo, hänn sofort miesse dr Käller-Yygang frey schuufle-n-und e Wääg dur dr Diefschnee stampfe. Wo denn d Ladäärne ändlig sinn aakoo, hämmer schnäll die obligaate-n-Aasprooche ghalte-n-und sinn denn froo gsii, ass me sich im Käller het kenne go uffweerme.
Wie gseet s ächtsch moorn demoorge-n-uus? Kenne mer iiberhaupt mit unsere Ladäärne dur dr Noodle- und Spaalebärg goo? Mer wäärde s gsee ...
|