| Ummeblettere |
| Gumbb zeerscht in e Joor! |
|
Am Fryttig vor em Säggsilytte-n-isch e groossi Delegation vo Basler Dybli zoobe-n-uff Ziiri, zem mit andere Basler Fasnächtler und au Grubbierige-n-us em Räscht vo dr Schwyz go z pfyffe-n-und z drummle. Will vo uns bis jetz niemerts das "Trummlebummle" het kennt, simmer nadyyrlig rächt gspanne gsii, wie das ächtsch wird ...
Mer wänn doo nit z vyl verroote, in dr näggschte Dybli-Zyttig git s denn e-n-uusfierlige Bricht. An dääre Stell numme ganz kurz: Dr offizielli Dail isch – zem s diplomatisch z saage – eebe "offiziell" gsii. Nochär aber hämmer bim Gässle dur s Niiderdeerfli richtig dr Blausch gha.
|
