letschti Änderig: 2014-05-30 22:57:09 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Stamm – Fasnacht 2005

Fastnacht wie ze Gotthälfs Zytte

E Saalewaidli-Kääs, e jääse
E Saalewaidli-Ryysig-Bääse
E Saalewaidli-Grytter-Tee
E Saalewaidli-Bortmenee
E Saalewaidli-Feyni-Wurscht
E Saalewaidli-Schnapps gäg Durscht
E Saalewaidli-Naaselumpe
E Saalewaidli-Stinggi-Stumpe
E Saalewaidli Furz-Idee
Langsam ka-n-y s nimme gsee

Esoo, macht me-n-am Fäärnsee voor,
syg s gsy vor hundertfuffzig Joor.
Zem uns zem Kauffe-n-animiere
duet me Zuppigers vorfiere,
und kaschiert dr Voyeurismus
verschämt hinter em Kulturismus.
Luegt me-n-aaber gnauer aane,
losst sich s Eeländ glyy eraane:

Dr Giggel krait zmitz in dr Nacht:
"Hopp hopp, iir Segg, aufgewacht!"
Simpli Gwändli, wo gly rysse,
Wullenunterschliich, wo bysse.
Schtingge duesch wie allewyyl,
wäsche kasch di halt nit vyyl.
Schaffe, Schaffe, Schlooffe, Frässe,
freyi Zyt kasch grad vergässe.
Mied duesch zoobe d Auge ryybe,
s Eeländ wit mit Schnaps verdryybe.
(Und znacht mien no, im Dunggle-n-eebe,
Frau, Gnächt, Sau schnäll aaneheebe.)

Was uns dr Gotthälf doo wott leere
isch d Beschaidehait z vereere.
Mach doch uss dr Noot e Tuugend,
syg e Voorbild, grad fir d Juugend,
vo Iiberfluss und Luxus gschiide
läbt sich s Lääbe-n-au ganz zfriide.

D Frau Fasnacht gheerts, s wird 're grad wermer,
au sii hät d Fasnacht lieber ermer:
Kai pompeesi Requisite
(fir uff dr Baz iir eerschti Sytte)
kai so Glitzer-Stoff (e dyyre)
kaini Hochglanz-Värs-Broschyyre
kai gsponsereti Wäärbe-Gschänggli
kaini Alcopop-Gedränggli.
Hitte wird als doo lätz gwichtet,
s Bescht wär doch, s wurd druff verzichtet!

Das hän mir uns ze Häärze gnoo
und mache Fasnacht drum esoo:
E-n-aifach Gosdym uss dr Kischte,
wo d findsch wenn d duesch dr Eschtrig mischte,
d Laarve-n-aifach, ooni nyt,
e Dambuurmajor uss dr Zyt,
d Lampefaarbe lyychte-n-äärdig,
und Faane sin allgeegewäärtig.
Modäscht goot s au, mir mache s vor,
wie vor hundertfuffzig Joor.
Doch ganz authentisch sin au mir nit,
will s e Zeedel au vo uns git.

Vor hundertfuffzig Joor isch dr Minschterplatz no ooni
Ladäärne-Uusstellig gsii. S het au no kaini Wääge und
Requisite aazluege gää bi dr Kasäärne.
 An Aafang

(C) 2002-2014 Basler Dybli Glygge