letschti Änderig: 2014-05-30 22:57:17 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Jungi Garde und
Dyblinäscht – Fasnacht 1993

Wär suecht, dä findet 's Ai vom Kolumbus

IM FUFFZÄHNTE JOHRHUNDERT

Es sait e neyi Theorie
d'Ärde ka kai Schybe sy
rund syg si, grad so wie-n-e Balle
wo me nit dät aabefalle.
Die neyi Theorie isch zwor richtig
Doch fir d'Menschhait nit so wichtig.

Nur aine zaigt Inträsse draa
Chrischtof Kolumbus haisst dä Maa
dr Forschigsdrang vo ihm isch grooss
denn ai Idee losst ihn nimm loos:
"Kumm y uff Indie no Weschte?
Dä Gedangge will y teschte!"

Doch wie alles uff dr Wält
koschtet das e Huffe Gäld.
Spanie duet sich intressiere
Und die Rais au finanziere.

Und d'Fahrt ins Ungwissi foot aa,
Doch d'Mannschaft glaubt nit richtig dra
ass me das Indie finde kennt
und nit ins groosse Ungligg rennt.
Wo me denn d'Umkehr scho bespricht
kunnt ändlig 's gsuechte Land in Sicht.

(Bis an sy Ändi glaub er dra
dr Seewäg no Indie gfunde z'ha).

IM ZWANZIGSCHTE JOHRHUNDERT

Was wurd ächt dr Kolumbus saage
gsächt är die Wält in däne Daage?

Statt die halbi Wält z'umrunde,
het är e neye-n-Ärddail gfunde:
Dr Kontinänt Amerika! –
Und 's mächtigscht Land isch d'USA
domools no unzivilisiert,
isch's hit e Macht wo d'Wält regiert.

HOT-DOG, HAMBURGER und PEPSI
mit FAST-FOOD bisch "in" und derby
drum het dangg "Ami's Leibgericht"
jeede zwaite Ibergwicht.
Wenn du trotzdäm gsund wottsch blybe
muesch mit JOGGE d'Zyt verdrybe
bi AEROBIC-Stunde schwitze,
dass dr d'Jeans au richtig sitze.

Erfunde in Amerika
Kennzaichnet "Made in USA".

Unseri und alli andere Ladärne entdeggsch vom Män-
tig znacht, 1., bis am Mittwuch demorge, em 3. Merze,
uff em Minschterplatz. Mir fraie-n-is uff Dy Bsuech.

Mir hänn "'s Ai des Kolumbus" nit erfunde, au
d'Fasnacht nit. Aber wenn de bi uns wottsch
Drummle oder Pfyffe lehre oder aifach in ere
glatte Junge Garde Fasnacht (au Schnupper-
fasnacht) mache, so mäld Di doch bim Obmaa
diräggt: Chr. Studer, Delifon 711 92 27

Am Frytig-Noomidaag, 5., und am Samschtig
6. Merze, dien sich alli Junge Garde uff em Barfi
vorstelle und hoffe uff vyl Bsuecher und Jungi,
wo Inträssi hänn.
 An Aafang

(C) 2002-2014 Basler Dybli Glygge