letschti Änderig: 2014-05-30 22:57:25 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Stamm – Fasnacht 1970

Wie sie Sankt Jakob sah . . .
's Joggeli-Fescht

Frogsch e Bebbi uff dr Gass,
Frogsch e baar bim Stamm-Disch-Jass,
Waas z'Santjokeb syg bassiert,
Denne wird e Gschrey vollfiehrt:
Dert hayg Basel, ohni z'mure,
De Franzose gä uff d'Schnure,
Und dr Dauphin hayg me degglet.
D'Armagnagge syge gsegglet.

"Dorum", heersch am Schluss vom Tescht,
"Fyre mir 's Santjokebfescht,
Im Gedängge-n-an die Stedter,
An die Basler, unsri Retter."
"Dorum", duet e-n-Obmaa brummle,
"Goht my Glygge-n-au go drummle
Und zwor in där' alte Dracht.
Isch my 'Rotsheer' nit e Bracht?"

Ych saag nyt und stell mi hayser,
Denn ych tipp uff Goschdym-Kaiser
Oder denn uus Basel-Wescht:
Vordraab vome Juged-Fescht.
No-n-e Glygge-n-underschaidet
Sich vo andre, au verglaidet:
Herrgottsgrenadier, fascht neu.
"Mir e grooss Santjokebs-Bräu!"

Und dr Hunziger, dä kunnt
Gaischtig fascht gar uff dr Hund.
Är isch Presi vo dr Fyr.
Nyt isch däm Diräggter z'dyr.
Und es sait dä gueti Bello,
D'Fescht-Aasprooch, die halt' dr Nello,
Denn das brääch e Huuffe Dschingge,
Wo am Stroossegräbli wingge.

Mi perseenlig jagt dr Cello,
Wenn en numme seh, uff 's Vello.
Und denn - keysch fascht uff e-n-Arsch -
Haisst's, me miech e Stärne-Marsch
Mit vyl Zimft. Die sin ebitz
Uus dr Moode-n-und e Witz.
Denn me-n-isch dert - nit vergässe! -
Numme Mitglid wägem Frässe.

Wie zem Minschter syni Dirm
Gheert ans Basler Fescht e Schirm.
's spiegle sich in Räägepfitze
Milidäär und Schmir und Schitze.
Wie 's blutt Fidle-n-in e Baadi
Mien an Umzug au no Pfaadi.
Und dr Von Moos kunnt drhäär
Im e Belz als bruune Bäär.

Hindedry als Schärberichter:
Der Zivilschutzbiechli-Dichter. -
Sehsch das Horn voll Gladioole
Samt em Durner? - 's isch zem Moole!
Färner kemme denn no dääne
D'Muusig und zwai Dotzed Fähne.
D'Liederdaafele stimmt aa:
Grüezi wohl, Frau Stirnimaa!

's Blaui Gryz mit Wasserfahrer,
Dr Santjokebskirchli-Pfaarer,
Und vom Zircher Sunntigsblatt:
Johann Wolfgang Dirematt.
Basel, jetzt bisch butzt und gstrählt,
Das Kameel het grad no gfählt.
Wurd dr Düggeli druff rytte,
Wär's e Basler Säxi-Lytte.

Znacht het's gschifft, waas aabemaag.
D'Freyluftbaize sin am Haag.
Haisse Grog statt kaltem Bier.
Dinne hoggsch, denn duss isch's stier.
Niemer suufft, 's het kaine Durscht.
Das, wo goht, isch grillti Wurscht.
Und d'Verain hän - fi, fa, fo! -
Defizyt statt Stitz bykoh.

Liebi Lyt, ych seh Eych lache:
So-n-e Fyr kaasch hit nimm mache.
Zuedäm hän by dääre Schlacht
Mir e schlächti Falle gmacht.
Kain isch uuse-n-und in d'Gfohr.
Gschlosse hän si 's Äschedoor.
Wenn mir 's glychi hitte mieche
Wurd me saage: Feygi Sieche!

Voreme bitzli Winggelried
Ziehn fascht alli Basler d'Hiet.
Wäägeme bitzli Wilhälm Täll
Opfere d' Glygge jedes Fäll.
Miteme bitzli Arnold Schigg
Wirggt e Hunziger no digg.
Fir e bitz Helvetia
Kaasch vom Bebbi alles haa.

Am Faasnachts-Zyschdig goht me-n-in d'Basler Halle
an d'Ladärne-n-Uusstellig. Si isch vom Nyni demorge
bis am Elfi z'nacht offe.
 An Aafang

(C) 2002-2014 Basler Dybli Glygge