|
Syg s fir e Familiefescht, e Glassezämmekunft, e-n-Apéro, e Jassturnier ooder was au immer, unsere Käller kaa me miete!
Reservatioone kaa me bi dr Susy Suter mache. Iiri Delifoonnummere-n-isch 061 482 02 64 ooder 079 267 97 07 und me kaa si au per Email kontaggdiere.
D Källermieti wird in Absprooch feschtglait (fir Mitgliider gilt e reduzierte Bryys). Im Bryys inbegriffe sinn d Mieti vom Lokal und zwai Hälfer/inne vo de Dybli, wo hälfe koche, serviere, dr Uuschangg bediene-n-und dr Käller wiider dien uffruumme.
Nit inbegriffe sinn s Dischdegge, Dischdiecher und Deggoration. Fir das muess me sälber soorge (Gschirr isch vorhande).
Wenn s e lengeri Aaglägehait sott wäärde, dien mir fir e-n-Aaloss au e Freynacht-Bewilligung (ab de zwelfi bis speetischtens am zwai demoorge) yyhoole, das koschtet separat no Fr. 160.00.
Gedrängg, d.h. Bier, diväärsi Mineral, Wyy (rote-n-und wysse) und Kaffi, het s bi uns im Käller und muess doo bezooge wäärde. Wenn Dir wänn aigene Wyy ooder e Glepfwyy mitbringe, no koschtet s e Zapfegäld.
Mir verfiege-n-iiber e guet uusgrischteti Kuchi, hänn Gschirr, Fondue Chinoise Pfännli und au Dischgrill. Fir s Ässe mien Iir allerdings sälber soorge (allefalls mit eme Party-Service).
No Frooge? Denn mäld Di unscheniert bi dr Susy Suter, wo fir d Vermietig zueständig isch.
|
